Monday, June 26, 2006

വിസ്മൃതികള്‍ക്കുമിപ്പുറത്ത്...








എഴുതാപ്പുറങ്ങള്‍ക്കുമിപ്പുറത്ത്,
ഉദയാസ്തമയങ്ങളുടെ നടുവിലൂടെയുള്ള
മഴനഞ്ഞ-ഇടനാഴികളില്‍,
ഒരുപാട് ചോദ്യങ്ങളുമായി നീയ്യും
ഒന്നും പറയാതെ ഞാനും...

എഴുതുന്ന കവിതകളൊക്കെ വായിച്ച്,
അതിലൊളിഞിരിക്കുന്ന
ആളൊഴിഞ്ഞ മൂലക്കുമതിനപ്പുറത്തും
വെറുതേയിരുന്നുറങ്ങുന്ന,
വൃദ്ധവിഷയങ്ങളെ ഉണര്‍ത്തുന്നു...
ഒരു പതിവാക്കിയതു നീയ്യും,
എല്ലാറ്റിനും സമ്മതം മൂളി ഞാനും

ശബ്ദങ്ങളാര്‍ദ്രമായെന്നു പറഞ്ഞപ്പൊഴൊക്കെ
തെല്ലകലെ മാറിനിനന്ന്,
കൊഞ്ഞനം കുത്തി, ഞാന്‍ കാണാതിരുന്ന
നേരം എന്നെ പ്രണയിച്ചതും...
എല്ലാമൊരു കളിയായി നീയ്യും,
അത്ത്രതന്നെ കാര്യമായി ഞാനും

നിനച്ചുനെയ്തുചിലതൊരശിരീരികണക്കെ
നീറഞ്ഞുനിന്നു, ഉയരുന്ന ചില
സ്പന്ദനക്കണികകളുടെ
നടുവില്‍,
അബദ്ധമായതു പുറത്തുപറയാതെ
കാല്പാടുമാത്രം ബാക്കിവച്ച് നീയ്യും
അതു കണ്ടുകൊണ്ട് കുറച്ചകലെ ഞാനും

പലപ്പൊഴും ഞാനിതോര്‍ക്കും
ചുമ്മാതെ കുറിച്ചിടും
സന്ധ്യക്ക്- കറങ്ങിനടക്കുമ്പോള്‍ മനസ്സിലിട്ട്
കറക്കും, പിന്നെ ചിരിക്കും..
എല്ലാം കഴിഞ്ഞൂ,
എവിടെയെന്നറിയാതെ,
എവിടെയോ പൊയ നീയ്യും,
ഇവിടമെവിടെയാണെന്നറിയാതെ ഞാനും....

1 Comments:

At 5:15 AM, Blogger കലേഷ്‌ കുമാര്‍ said...

........എവിടെയെന്നറിയാതെ,
എവിടെയോ പൊയ നീയ്യും,
ഇവിടമെവിടെയാണെന്നറിയാതെ ഞാനും.....

കൊള്ളാം കേട്ടോ!

 

Post a Comment

Links to this post:

Create a Link

<< Home